أيد المنتج عبد الله أبو الفتوح، مطالبة رجل الأعمال محمد فاروق لزيادة عدد ساعات الشغل إلى 12 ساعة يوميًا ستة أيام في الأسبوع.

المنتح عبدالله أبو الفتوح: الشغل مفروض يكون ١٢ ساعة في اليوم وستة أيام في الأسبوع مدفوعة الأجر كاملاً

وكتب أبو الفتوح في منشور يرصده تحيا مصر عبر حسابه الرسمي بموقع التواصل الاجتماعي فيسبوك: الشغل مفروض يكون ١٢ ساعة في اليوم وستة أيام في الأسبوع مدفوعة الأجر كاملاً.

عبد الله أبو الفتوح: الشغل عرض وطلب اللي موافق هو حر واللي رافض محدش ضربه علي ايده يشتغل

وتابع، أيه المشكلة في التصريح ده؟؟!! الشغل عرض وطلب ، اللي موافق هو حر واللي رافض محدش ضربه علي ايده يشتغل، سيب المكان لغيرك اللي يرضي.
أنا فاكر زمان قوي عملوا احصائية لمتوسط مدة عمل موظفي الدولة في الثمانينات طلعت ٢٧ دقيقة في اليوم.ده كده تمام ؟. 

المنتج عبد الله أبو الفتوح: كل ما تزيد ساعات العمل يزيد الانتاج و بالتالي يزيد دخل الفرد

وأضاف، يا جماعة الدول بتتقدم بالشغل الجاد الطويل المرهق ، حتقولي حقوق الإنسان وحق العامل وكل الكلام ده محدش قرب منه ، شغل يعني فلوس ودخل ، وكل ما تزيد ساعات العمل يزيد الانتاج و بالتالي يزيد دخل الفرد، المنظومة المتكاملة الناجحة كل  اطرافها لازم يطلعوا مستفيدين لا ظالم ولا مظلوم وبالتراضي .. it should be win-win situation .

عبد الله أبو الفتوح عن رجل الأعمال محمد فاروق: عاوزين تدخلوه في سكة ظلم العمال وحقوقهم ومكاتب العمل والاتجار بالبشر والسخرة و معاملة العبيد 

واستطرد، مضايقين قوي ان الراجل بيقول لازم تشتغلوا كتير  وعاوزين تدخلوه في سكة ظلم العمال وحقوقهم ومكاتب العمل والاتجار بالبشر والسخرة و معاملة العبيد ، طب يا جماعة ولا يهمكوا ريحوا وناموا علي قد ما تقدروا وانتخوا وان شاء الله نكسر الدنيا ونسبق العالم كله في الشخير.