خرجت الفنانة هاجر الشرنوبي لترد على منتقدي صورتها مع نجلها والذي ظهرت فيها وهي تقبله من فمه أثناء احتفالهم سويا بعيد ميلاده وشاركتها منذ ساعات على حسابها الرسمي بموقع تبادل الصور والفيديوهات انستجرام.

هاجر الشرنوبي ترد على منتقدي صورتها مع نجلها 

وقالت هاجر الشرنوبي في بث مباشر رصده موقع تحيا مصر على حسابها الرسمي بموقع تبادل الصور والفيديوهات انستجرام: صحيت الصبح على كمية كومنتات مش طبيعية واللي كتبينها مش طبعيين يعني ايه أنزل صور مع ابني وناس مريضة تدخل تكتب اي لازمتها البوسة ويغلطوا في التربية.. اي يجماعة ده اي المرض ده، أنا مش لاقية تفسير للي بيتكتب ده غير في قلوبهم مرض فزادهم الله مرضا، أنا مش لاقية أي تعليق إبني في عيد ميلاده وببوسه اي مشكلتكم الموضوع غريب جدا.

وتابعت هاجر الشرنوبي حديثها، قائلة: أنا بشوف حاجات سلبية كتير جدا مش برد عليها بس ده عشان حاجة تخصني الحاجة اللي تخصني أنا بسمعها وبطنش ولكن مينفعش أبقى منزلة صورة لابني في عيد ميلاده وهو بيشوف التعليقات ويلاقيها بالسلبية دي  انتو ناس مخكم مريض، الصورة دي صورتنا كل سنة وهفضل أتصورها معاه لحد ما يكبر ويتجوز ويخلف.. روحوا اتعالجوا.

هاجر الشرنوبي تحتفل بعيد ميلاد نجلها

وكانت قد نشرت هاجر الشرنوبي مجموعة صور لها رفقة نجلها من احتفالها بعيد ميلاده، وعلقت عليها قائلة: كِبر الولد، كل سنه وانت طيب ياأحلي حاجه ف حياتي، أخويا وصاحبي وإبني حبيبي، كل سنه وانت القوس اللي رشق ف قلبي من يوم ما اتولد، إبن عمُري، دعواتكم بالنجاح وصلاح الحال وربنا يفرح قلوبكم بأولادكم جميعآ، وماتنسوش ماشاء الله علشان لسه فاكين الجبس والنبي.

هاجر الشرنوبي في رمضان 2025

من ناحية أخرى، تشارك هاجر الشرنوبي في سباق مسلسلات رمضان 2025 من خلال مسلسل حكيم الباشا والذي يخوض بطولته الفنان مصطفى شعبان إلى جانب كلا من الفنانة سهر الصايغ والنجمة دينا فؤاد، ومن المقرر أن تدور أحداثه في مزيج من الإثارة والتشويق، حيث يظهر الصراع بين الشخصيات في عالم الجريمة والفساد المرتبط بتجارة الآثار حيث يتعرض مصطفى شعبان للمطاردة من قبل عصابة متورطة في تجارة الآثار، ويسعي للحصول على الآثار التي يمتلكها، وتتصاعد الأحداث وتدخل شخصية مصطفى شعبان في صراعات حادة مع الفنان أحمد صيام، حيث يتنافس كل منهما ليكون الرجل الأول في مافيا بيع الآثار.