تحدث الفنان أحمد داود عن تفاصيل مشاركته في فيلم الهوى سلطان والذي يعرض في السينمات المصرية والعربية في الفترة الحالية، محققا نجاحات ساحقة وردود فعل إيجابية من قبل الجمهور، حيث يتعاون به مع الفنانة منة شلبي.

أحمد داود يتحدث عن الهوى سلطان 

وقال أحمد داود عن فيلم الهوى سلطان خلال لقاءه مع الإعلامية فاطمة مصطفى ببرنامج الراديو بيضحك والمذاع على راديو 9090: في نوعية أفلام هي بتكون حلوة جدا بس متقدرش تنقل فيها، بس أما جالي الهوى سلطان كان وحشني جدا إني أمثل من قلبي وكنت مراهن على هبة يسري.. كانت مركزة في أدق التفاصيل وكنت مسلملها نفسي للآخر.. فكان حظي ان كان فيه عوامل خلتني أطلع بالشكل ده.

وتابع أحمد داود حديثه، قائلا في تصريحات رصدها موقع تحيا مصر: فيلم الهوى سلطان عمل حالة نجاح مبتحصلش كتير وأتمنى نشوفها الفترة الجاية وفيه ناس كتير رجع لبعض بسببه وده أثر فيا، وكمان نجاح أغنية الفيلم اللي بيغنيها بهاء سلطان واللي كان شرف لينا جدا أنه شارك في الفيلم الموضوع ده قشعرني جدا، وفي ناس كانت بتقابلني تقولي احنا ده اللي في الفيلم، وكمان أفراد الأمن كانوا بيصقفولي كل أما أدخل في حتة، وهو ده بالنسبالي النجاح الحقيقي.

أحمد داود: كان في بيني وبين محمد فراج منافسة قوية 

وتطرق بحديثه عن الفنان محمد فراج بعد اشادته بفيلم الهوى سلطان الذي يشارك به الفنان أحمد داود، فقال: طول الوقت كان فيه بيني وبين محمد فراج منافسة ومكناش صحاب أوي لكن مؤخرا علاقتنا تطورت واللي كتبه عن فيلم الهوى سلطان كان من قلبه بجد هو مش مضطر يعمل ده.

وتابع: انا بتمنى ليه الخير هو وبسنت لأنهم فعلا يستحقوا ده واحنا أيقنا أن كل واحد ليه نصيبه وحتته اللي بينجح فيها، بنكون بنتخانق كلنا على حاجة وانت مكتوبلك تنجح في حتة لوحدك خالص.

أحمد داود يطرح مواسم جديدة من الكونتينر 

وأكد الفنان أحمد داود لفاطمة مصطفى عن استعداده لطرح مواسم جديدة من برنامج الكونتينر، قائلا: دراستي في الهندسة فادتني كتير في برنامج الكونتينر ولسة فيه مواسم تانية منه لحد ما اخلص كل المصانع.

ويعرض للفنان أحمد داود في الفتوى الحالة فيلم الهوى سلطان إلى منة شلبي، أحمد خالد صالح، سوسن بدر، جيهان الشماشرجي، والفيلم من تأليف وإخراج هبة يسري، وإنتاج شركة Sea-Cinema لـ أحمد فهمي وهاني نجيب، والذي تدور احداثه حول العلاقات والحب بين الاصدقاء، حول شابة وشاب تربطهما علاقة صداقة قوية منذ الطفولة، ويواجهان معًا العديد من المواقف والمشكلات المختلفة مع أصدقاءهما وأسرتيهما، لكن تحدث فجأة بعض المتغيرات في علاقتهما، وتتوالى الأحداث.