حرص المطرب الشعبي إسماعيل الليثي على الرد على منتقديه والهجوم عليه بسبب غنائه وإحيائع حفلات الزفاف بعد وفاة طفله ضاضا، وأكد إسماعيل الليثي أنه عاد إلى عمله بعد مرور الـ 40 وأكد أن إحيائه حفلات الزفاف ليست مايريد لكنه مضطر إلى ذلك.

إسماعيل الليثي يرد على منتقدين غنائه بعد وفاة ضاضا: بصرف على أمي واخواتي

حل المطرب إسماعيل الليثي ضيفًا على برنامج واحد من الناس مع الإعلامي عمرو الليثي، و رد إسماعيل الليثي والد ضاضا في تصريحاته التي رصدها موقع تحيا مصر على الهجوم عليه بسبب إحيائه حفلات الزفاف بعد وفاة نجله ضاضا، وقال: "الناس بتهاجمني عشان نزلت شغلي بعد الأربعين والفرقة بتاعتي فيها 30 واحد شغال مسؤولين مني، أنا بصرف على أمي وأخواتي البنات بيتجهزوا وأنا اللي بجهزهم"، وتابع إسماعيل الليثي حديثه راويًا موقف بعد عودته إلى عمله: "أنا رجعت اشتغل بعد الأربعين وأول يوم اشتغلت كنت في اسماعيلية وعملولي مفاجأة ونزلوا بوستر عليه صورة ضاضا وكتبوا عليه ضاضا في القلب قلبي وجعني ومشيت من اسماعيلية للعاشر من رمضان بعيط وقلبي مكسور".

إسماعيل الليثي يعلق على أزمته مع زوجته والدة ضاضا: أهلها معملوش الأصول

من ناحية أخرى رد إسماعيل الليثي على أزمته مع زوجته والدة ضاضا وذلك بعد ظهورها في مقطع فيديو بعد حفل زفاف شقيقتها وكانت تستغيث من أسلوب تعامل إسماعيل الليثي معها وأنه يوجه لها الإهانات بسبب حضورها حفل زفاف شقيقتها، وقال إسماعيل الليثي: "راحت فرح أختها قعدت من 12 الضهر لـ بليل بس فضلت واقفة بره، انا مقولتلهاش متروحيش بس كنت مستنيها تيجي منها هي اللي تقول مش هروح ده انتى ابنك دمه لسه مبردش والأصول أصول واحنا من منطقة شعبية أنا بتعاير بفرح أختها و اللي حصل.. أنا مسيبتش بيتي لحظة ومشكلتنا خلصت هي ست بمية رجل أنا مش عايز أخدها بذنب حد وهي مريضة بسببه كانت روحها فيه وبيقعد يهزر معاها ويجبلها شغل لكن أهلها معملوش بالأصول أنا شوفت الفيديوهات اتصدمت ده الناس الغريبة حزينة على ضاضا".

إسماعيل الليثي ينهار باكيًا على نجله ضاضا

وانهار المطرب الشعبي إسماعيل الليثي خلال لقائه على الهواء مع الإعلامي عمرو الليثي بسبب فراق نجله ضاضا وأعرب عن حالة الحزن التي يمر بها قائلًا: "ياريت ربنا كان خدني انا وسابه انا بالنسبالي الدنيا خلصت خلاص الفراق صعب وكل يوم أروح أقراله الفاتحة وأقوله انت وحشتني".