أقيمت منذ قليل ندوة للمخرج خيري بشارة ضمن فعاليات مهرجان القاهرة السينمائي بدورته 45، والتي تقام في الفترة الحالية وشهد حفل افتتاحها أمس، وتحدث بشارة خلال الندوة عن العديد من الاشياء الجريئة والمختلفة في مسيرته الفنية.

خيري بشارة وتأثره بأفلامه 

فتحدث خيري بشارة في تصريحات رصدها موقع تحيا مصر عن تأثره بأفلامه، حيث قال: بعد فيلم احنا تلامذة رجعت البيت قلدت المشهد وتهجمت على الشغالة، ليس لغرض جنسي، لكن متأثرًا بالسينما والحالة اللي عيشتها، وهي فهمت بعد كده مكنتش أقصد.

وتابع حديثه عن تفكيره في صناعة الفن منذ بدايته: أحلامي كانت بعيدة عن السينما التجارية، أقرب للأحلام الذاتية، مش عايز أعمل أفلام تاني تجارية، عايز استخدم موهبتي لتغيير الواقع وأحرض الناس على التغيير ، وده ظهر مع تاني فيلم ليا وليس الأول "فيلم العوامة ٧٠"؛ كل العلاقات في الفيلم والمشاكل من أوله لأخره، بتمثل الهروب وقريبة ليا، أنا حد جرئ جدًا في افلامي، وأنا قايل ده في أفلامي، لكن في الواقع رومانسي جدًا.

خيري بشارة: الفن مش مربح وكنت بستلف كتير 

وأكد خيري بشارة في حديثه إلا أن الفن ليس وسيلة مربحة من الناحية المادية، مؤكدا: كنت بستلف من طوب الارض الفلوس تخلص فأروح استلف، ومراتي معايا لحظة بلحظة من الأول، كنت دايمًا عايش على السلفة، بستلف من عاطف الطيب ووحيد حامد، زوجتي عاشت معي منذ بداياتي، واللي أنقذني المسلسلات.

وتطرق بحديثه عن نشأته، قائلا: أنتمي للببرجوازية الريفية، جدي لأبويا كان من أغنياء القرية، عشت طفولتي في بيت خشب، العالم ده كان أول حاجة ليها علاقة باحتكاكي بالحياة ومفاهمها، تأثرت بيهاا وطول حياتي منحاز للفلاح والفقير ضد الظالم، جزء من موروثي الثقافي منذ طفولتي.

خيري بشارة وتعاونه مع عمرو دياب 

من ناحية أخرى، كان قد تحدث خيري بشارة في وقت سابق عن علاقتها بعمرو دياب، قائلا: طلبت من عمرو دياب أنه يكون على سجيته وكان فيه مشهد ماستر سين ليه لما كان في عيد ميلاده بيتكلم عن نفسه لما جه القاهرة وجه منين وهو رايح فين، وعن أحلامه اللي مش راضية تتحقق، فطلبت منه يتكلم عن تاريخه هو الشخصي وهو بيمثل ومايحاولش يمثل.